Lyrics of Woh Subah Kabhi To Aayegi - वो सुबह कभी तो आयेगी

vo subah kabhi to aayegi, vo subah kabhi to aayegi
in kaali sadiyo ke sar se, jab raat kaa aachal dhalakegaa
jab ambar jhum ke naachegi, jab dharati nagame gaaegi
vo subah kabhi to aayegi

jis subah ki khaatir jug-jug se,
ham sab mar-mar ke jite hai
jis subah ki amr^it ki dhun me, ham zahar ke pyaale pite hai
in bhukhi pyaasi ruho par, ek din to karam faramaayegi
vo subah kabhi to aayegi

maanaa ke abhi tere mere in aramaano ki, kimat kuchh nahi
mitti kaa bhi hai kuchh mol magar,
inasaano ki kimat kuchh bhi nahi
inasaano ki izzat jab jhuthe sikko me naa toli jaayegi
vo subah kabhi to aayegi

daulat ke liye ab aurat ki, ismat ko naa bechaa jaayegaa
chaahat ko naa kuchalaa jaayegaa, gairat ko naa bechaa jaayegaa
apani kaali karatuto par, jab ye duniyaa sharamaayegi
vo subah kabhi to aayegi

bitege kabhi to din aakhir, ye bhukh aur bekaari ke
tutege kabhi to but aakhir, daulat ki ijaaredaari ki
ab ek anokhi duniyaa ki, buniyaad uthaai jaayegi
vo subah kabhi to aayegi

majabur budhaapaa jab suni, raaho me dhul na phekegaa
maasum ladakapan jab gadi, galiyo me bhikh naa maangegaa
hak maangane vaalo ko, jis din suli na dikhaai jaayegi
vo subah kabhi to aayegi