Lyrics of Raat Kitni - रात कितनी

raat kitni dastane keh rahi hai
ik nadi yadon ki hai jo beh rahi hai
raat kitni dastane keh rahi hai
ik nadi yadon ki hai jo beh rahi hai
milne aaye hain hum se bite huve lamhein kal ke
kitne pehchaane chehre tanhaai me hai chhalke
yun to koi hai kahaan koi kahaan
yadein leke aayi hai sabko yahan
raat kitni dastane keh rahi hai
ik nadi yadon ki hai jo beh rahi hai

ek maathe par damakti ek bindi
ek aanchal jaane kyun lehra raha hai
ghar ke darwaaze pe sundar si rangoli
phir koi tyohaar milne aa raha hai
ek thaali ik kalaai ek raakhi
ek mandir ek deepak ik ujaala
nanhe nanhe paon se chalta hai koi
ungliyon paavo se chlta hai koi
ungliyon se jap raha hai koi mala
raat kitni daastane keh rahi hai
ik nadi yaadon ki hai jo beh rahi hai

dosti ka hath hai kandhe pe rakha
pyar se do aankhein chhalki ja rahi hai
dhup ki hai dhajjiyan baghon me bikhri
pedon me chhupke hawayein ga rahi hai
lambi sansein lete hai sawan ke jhule
ghat par payi pyasi gagariya hai
nadiya kinare hai bansi ka lehra
ek pagdandi pe khanki chudiyan hain
raat kitni dastane keh rahi hai
ik nadi yaadon ki hai jo beh rahi hai

milne aaye hai hum se bite huve lamhein kal ke
kitne pehchane chehre tanhaai me hai chhalke
yun to koi hai kahan koi kahan
yadein leke aayi hai sabko yahan
raat kitni dastane keh rahi hai
ik nadi yadon ki hai jo beh rahi hai