Lyrics of Kanhaiya O Kanhaiya - कन्हैया ओ कन्हैया

satyabhama aur rukmini rani, dono krishn ki thi deewaani
bhaama agni ka angaara, rukmini shital jal ki dhaara
wo puja ke phul chadhati, yeh paayal ke geet sunaati
kanhaiya o kanhaiya koyi murali ki taan suna de
mere tann mann me aag laga de, laga de
kanhaiya o kanhaiya koyi murali ki taan suna de
mere tann mann me aag laga de, laga de
kanhaiya o kanhaiya

aa aa aa aa aa
main hi tohe dekhu sawariya, dekhe na koyi duji najariya
main hi to hu teri bawariya
main hi sunu bas tori basuriya bansi bajaiya
kanhaiya o kanhaiya koyi murali ki taan suna de
mere tann mann me aag laga de, laga de
kanhaiya o kanhaiya

janm divas rukmini ka aaya, sajni ne saajan ko bulaaya
vyakul naina baat nihaare, aaj mere ghar naath padhaare
main nahi jaane dungi kaanha, main na sunungi koyi bahana
priye kisika mann na todo, dekho, suno, jaane do, chhod o
narayan, narayan, baat huyi kya krishn muraari
kyun ruthi hai sundar naari
achchhe samay par aap padhaare, vipda me hai praan hamaare
rukmini kahe mere sang aao, bhaama kahe naath mat jaao
jiska nimantran aaya pehle, bhagvan jaaye uske mehle
narad ji, narayan

rukmini ke sang chale kanhaayi, bhaama ko yeh baat na bhaayi
narayan, kyun baithi ho khoyi khoyi, mere yogya hai seva koyi
bhare nahi abhi ghav purane, phir aaye ho aag lagane
main sabka sevak tum jaano, chahe parakh lo jo na maano
koi upay aap bataye, wo sautan ke ghar na jaaye
achchha to ek vrat rakhogi, apne pati ka daan karogi
wah wah dhoonda khub upay, aapse toh bas raam bachaaye
nis din dekhu jinke sapne, kho baithu woh pritam apne
tum nahi samajhi kaisa khona, unke barabar tolke sona
mol bhraman ko dena, mohan ko waapas le lena
bas itna hi, aap kare wrat ki taiyaari, bhaama jeeti rukmini haari
parantu krishn hai bhaari jitna, tere paas hai sona itna
wa narad ji, sone ke bhandar jo kholu, ek nahi sau krishn main tolu
narayan narayan

kuchh dhoka hai raam duhaayi, itni bhaari nahi kanhaayi
yeh tera sona nakali hai, mera manmohan asli hai
mere paas jo thali aayi, de do mujhko krishn kanhaayi
de du leke jara sa sona, mohan hai ya koyi khilauna
chal tujhko sansaar me bechu, daaso ke baazaar me bechu
lo yeh tambura bansi bajaiya, pakdo yeh kartal kanhaiya
bhama swami
kaisa swami, kiska swami, swami ki ho gayi nilami, nilami
suno suno ai jaane waalo hai yeh sasta maal utha lo
suno suno ai jaane waalo hai yeh sasta maal utha lo
sabki mann ki aas main bechu, kaisa sundar das main bechu
jivan ki naiya ka khiwaiya, iska naam hai krishn kanhaiya
iska naam hai krishn kanhaiya
main padti hu paanv tumhaare, nagari nagari dware dware
mujhko yu badnam karo na, shyam ko tum nilaam karo na
apna ghar jo aap jalaaye, uski bigadi kaun banaaye
bhul huyi mujhse yeh bhaari, jaau kaha viraha ki maari
rukmini se tum baat yeh puchho, kaise milenge naath yeh puchho
rukmini meri bhul bhula de, koyi jatan kar krishn mila de
aa bhaama main tujhpe waari, tu hai mere krishn ki pyaari
kya yeh dukh kewal tera hai, jo tera hai woh mera hai
na maaya se, na shakti se, bhagvan milte hai bhakti se
kanhaiya kanhaiya kanhaiya kanhaiya
kanhaiya kanhaiya kanhaiya kanhaiya
pat meri rakho mere bansi bajaiya
kanhaiya kanhaiya kanhaiya kanhaiya
jivan do paladu ka taraaju, ek me jag saara, ek me bas tu
jag halka tu bhaari bansi bajaiya
kanhaiya kanhaiya kanhaiya kanhaiya
pat meri rakho mere bansi bajaiya, jai jai krishn kanhaayi
jai jai krishn kanhaayi jai jai krishn kanhaayi
jai jai krishn kanhaayi jai jai krishn kanhaayi
jai jai krishn kanhaayi jai jai krishn kanhaayi
jai jai krishn kanhaayi jai jai krishn kanhaayi
jai jai krishn kanhaayi jai jai krishn kanhaayi