Snap | Mukhada | Artist / Movie | Music By / Lyricist | Picturized on / Genre | |||
---|---|---|---|---|---|---|---|
![]() |
Jagat Bhar Ki Roshani Ke Liye, Suraj Re Tu Jalate Rahanaa
|
Hemant Kumar | Laxmikant Pyarelal | Jaymala, Prithviraj Kapoor | |||
Harishchandra Taramati (1963) | Kavi Pradeep | ||||||
jagat bhar ki roshani ke liye
karodo ki zindagi ke liye
suraj re jalate rehana
suraj re jalate rehana
jagat kalyaan ki khaatir tu janmaa hai
tu jag ke vaaste har dukh uthaa re
bhale hi ang teraa bhasm ho jaaye
tu jal jal ke yahan kirane lutaa re
likhaa hai ye hi tere bhaag me
ki teraa jivan rahe aag me
suraj re jalate rehana
suraj re jalate rehana
ye sankat tu khushi ke saath sah lena
sada hanste huye tapna lagan me
kisi aadarsh ki raksha ke heet prabhu ne
tujhe bheja hain jwala ke bhavan me
tu jal re parvaah na kar praan ki
ye bhi ek lila hain bhagvaan ki
suraj re jalate rehana
suraj re jalate rehana
karodo log prithvi ke bhatakte hai
karodo aangano me hai andheraa
are jab tak na ho ghar ghar me ujiyaalaa
samajh le hain adhuraa kaam teraa
jagat uddhaar me abhi der hai
abhi to duniya me andher hai
suraj re jalate rehana
suraj re jalate rehana
jagat bhar ki roshani ke liye
karodo ki zindagi ke liye
suraj re jalate rehana
suraj re jalate rehana