Lyrics of Ek Raja Ki Sun Lo Kahani - एक राजा की सुन लो कहानी

ek raja ki sun lo kahani ek raja ki sun lo kahani
kahi hathi na ghode na sena koi
na kahi thi koi rajdhani
ek raja ki sun lo kahani ek raja ki sun lo kahani

teen bete the aankho ke tare
bade pyare pyare dilo ke sahare
vo the raja ke anmol moti
nigaho ki jyoti the maa ke dulare
palko ki chav me guzra tha bachpan
masti me doobi jawani
ek raja ki sun lo kahani ek raja ki sun lo kahani

ek aisa agar din bhi aaya jisne raja ko nirdhan banaya
ho gaye khali sare khajane haye kaisa ye andher chaya
vo jo bete the aankho ke tare raja rani ke dil sahare
kaam aise me vo bhi naa aaye
chupte firte the aankhe churaye

aaram ke sathi kya kya the jab vaqt padha to koi nahi
dhan daulat ke sab rishte hai dhan ruth gaya to koi nahi
kon girte ko deta sahara vo raja bechara thaka aur hara
sochta tha kaha hai vo moti
vo aankho ki jyoti bane jo sahara
raja to chup chap pita tha aansu
chup chup ke roti thi rani
ek raja ki sun lo kahani ek raja ki sun lo kahani

ho gaya apna khoon paraya ho gaya apna khoon paraya
kaam magar ek chaakar aaya ek bhola insan vaha tha
bachpan se mehman vaha tha usne jiske tukde khaye
sada usi ke panv dabaye un bedardo ki mehfil me
ek vahi hamdard bacha tha lekin malik ko kya deta
bechare ke paas hi kya tha

apne malik ke kadmo me ro ro ke
khush hota charan uske dho dho ke
apna tan man nayochavar vo karta raha
ek ishare pe malik ke marta raha
hai kahani magar baat kal hi ki hai
na samjhna ise tum purani
ek raja ki sun lo kahani ek raja ki sun lo kahani