Lyrics of Aman Ke Farishte - अमन के फ़रिश्ते

ye dushman ke haatho watan bech denge
ae makkar dharti gagan bech denge
nahi inki baato ka koi bharosa
ye bhaarat ka khilta chaman bech denge

uthe is ada se aman ke farishte
kafan baandh ke is watan ke farishte
ye gaddar bharat ke chhup naa sakenge
tootenge yu kahar banke farishte
farishte, farishte, farishte

jo gaddari ki raah par chal rahe hai
gulaami ke tukado pe wo pal rahe hai
abhi dushmano par najar hai humaari
yahi kah rahe hai aman ke farishte
farishte, farishte, farishte

jala ke ghar garibo ka, watan me roshani kar li
ye kaatil hai, inhone dushmano se dosti kar li
jo sachhi baat hai, usko sare baajar kahte hai
bana jo desh dushman, use desh ka gaddar kahte hai

utha ke desh ka jhanda, yahi ailaan kar dunga
watan ke naam par, main jaan bhi kurbaan kar dunga